Ալբանիայի՝ կոռուպցիայի մեջ մեղադրվող փոխվարչապետի պարտականությունների կատարումը կասեցվել է

Ալբանիայի փոխվարչապետի և ենթակառուցվածքների և էներգետիկայի նախարար Բելինդա Բալլուկուն պարտականությունների կատարումը կասեցվել է, ինչպես նաև արգելվել է արտասահման մեկնել ընթացիկ հետաքննության շրջանակում:

Կոռուպցիայի դեմ պայքարի դատախազությունը հոկտեմբերի 31-ին Բալլուկուին տեղեկացրել է, որ նրա նկատմամբ հետաքննություն է իրականացվում 2020 թվականին ճանապարհաշինարարությանն առնչվող մրցույթների կանոնները խախտելու համար։ Նա հերքում է մեղադրանքները։

SPAK-ի [կոռուպցիայի և կազմակերպված հանցագործության հարցերով հատուկ դատախազ] խնդրանքով առաջին ատյանի հատուկ դատարանը անձնական անվտանգության միջոցներ [Բալլուկուի] նկատմամբ՝ նրա պարտականությունների կատարման և երկրից դուրս գալու արգելք է կիրառել: Անձնական անվտանգության միջոցներ են կիրառվել նաև հետաքննության տակ գտնվող երկու այլ անձանց նկատմամբ։

Բալլուկուն, որը Էդի Ռամայի գլխավորած իշխող Սոցիալիստական ​​կուսակցության առանցքային դեմք է, 2019 թվականից ի վեր եղել է ենթակառուցվածքների և էներգետիկայի նախարար, իսկ 2022 թվականից՝ փոխվարչապետ։ Ընդդիմադիր Դեմոկրատական ​​կուսակցությունը պահանջել է նրա հրաժարականը։

Չորեքշաբթի օրը խորհրդարանում ելույթ ունենալով՝ նա իր դեմ ուղղված մեղադրանքներն անհիմն է անվանել։
Վարչապետ Ռաման ևս իր աջակցություն է արտահայտել փոխվարչապետին, երբ ընդդիմությունը պահանջել է վերջինիս հրաժարականը։