Կեղծ իշխանությունը կեղծ օրակարգով է առաջնորդվում

Հեղինակ՝ Լիլիթ Մուրադյան

Արտահերթ խորհրդարանական ընտրությունները էլ ավելի են սրել երկրի ներքաղաքական վիճակը։ Փաշինյանական կառավարության վերընտրությունը նոր կրքեր է բորբոքել քաղաքական դաշտում ու նոր օրակարգ առաջ բերել։

Այսօր Արաբկիր վարչական շրջանում ՀՀԿ ազդեցիկ դեմքերը՝ վարչության նախագահ, ՀՀ երրորդ նախագահ Սերժ Սարգսյանի գլխավորությամբ , «Հայրենիք» կուսակցության ղեկավար կազմի հետ միասին լայնամասշտաբ հանրահավաք էին կազմակերպել։ Հիշեցնենք, որ ՀՀԿ-ն ու «Հայերնք»-ը հունիսին կայացած ընտորթւոյւններին մասնակցել էին «Պատիվ ունեմ »դաշինքով, սակայն ակնկալվող հաջողության չէին հասել։ Ազդեցիկ այս կուսակցությունների ներկայացուցիչները շարունակում են պնդել, որ գործող իշխանությունը ոչ լեգտիմ է, քանի որ ընտրակեղծիքների գնով է հաղթել ընտրություննեում և իրականում չի վայելու ժողորդ վստահությունը։ Նրանք կոչ են անում դուրս գալ փողոց և համայն հայության բողոքն արտահայտել ընդդեմ այն իշխանության, որը նրանց խոսքով դավաճանել է այս երկրին ու ժողովրդին։ «Մենք մի հայրենիք ունենք ու մի նպատակ՝ պաշտպանել այն ու շենացնել մեր ապագա սերունդների համար»,- իր ելութն այսպես սկսեց ՀՀԿ Արաբկիրի տարածքային կազմակերպության ղեկավար, Մենապայքարային մարզաձևերի մարզադպրոցի տնօրեն Էդուարդ Երանոսյանը, որը հանրապետական կուսակցության ամենահավատարիմ ու վստահված անձանցից մեկն է։

«Այսօր փաշինյանական կառավարությունը մի օրակարգ ունի՝ կործանել Արցախը, Հայստանը ու ողջ հայ ժողովրդին։Այս մարդկանց բազմությունը ևս մեկ անգամ ապացուցում է, որ Նիկոլ Փաշինյանը չունի իրական հենարան ի դեմս ժողովրդի, որ կեղծ, ինքնահռչակ կառավարություն է ձևավորել, ուստի պետք է ուժեղացնել ճնշումը և օրինական քաղաքական բոլոր գործիքակազմն օգտագործել՝ օր առաջ այս կործանարար իշխանությունից ազատվելու համար »,- ելույթի վերջում շեշտեց Երանոսյանը։ Արչաբկիրի տարածքային ղեկավարի ելույթը բուռն ծափերի արժանացավ, իսկ հավաքված բազմությունը միաձայն հավանություն տվեց նրա խոսքերին։ Արթուր Վանեցյանը հիշեցրեց, որ այս տարի արցախյան պայքարի 33-րդ տարեդարձն է, և մեր քաղաքացիները ևս մեկ անգամ ապացուցելու են, որ Արցախյան շարժումը չի մարել, և այն պետք է ավարտվի հայ ժողովրդի նոր հաղթանակով: Սերժ Սարգսյանը, Էդուարդ Երանոսյանը Արթուր Վանեցյանը , Էդուարդ Շարմազանովը և դաշինքի մյուս անդամները քայլերթով շարժվեցին դեպի Բաղրամյան պողոտա՝ ակցիան Ազգային Ժողովի մոտ շարունակելու համար։