Ադրբեջանական հարձակումները ՀՀ խաղաղ բնակավայրերի նկատմամբ նաև ՀՀ ինքնիշխան տարածք ներխուժած վայրերից են. Այսինքն` Սյունիքի ու Գեղարքունիքի այն վայրերից, ճսնապարհներից, որտեղ ներխուժել էին ու անօրինական տեղակայվել 2021թ. մայիսից: Այս մասին հյտարարել է ՀՀ նախկին ՄԻՊ Արման Թաթոյանը:

Նա նաեւ նշել է. «Օրինակ` նշանառու հարձակման տակ են Գեղարքունիքի մարզի Սոթք, Նորաբակ, Կութ գյուղերը` դպրոցներից մինչև խաղաղ բնակիչների տներ:

Սյունիքում խաղաղ բնակավայրերը հարձակման են ենթարկում, կրակում են ինչպես Սյունիքի Կապան-Ճակատեն ճանապարհին, գյուղերի հարևանությամբ, այնպես էլ Սև լճի տարածք ներխուժած ու անօրինական տեղակայված ադրբեջանական դիրքերից:

Մշտապես եմ ասել, որ ինքնին ադրբեջանական զինված տեղակայումները ՀՀ գյուղերի հարևանությամբ կամ ճանապարհներին հանցավոր է, դա արդեն իսկ իրական սպառնալիք է մարդկանց կյանքին ու անվտանգությանը, բնակավայրերին, մեր ողջ երկրին:

Երեկվանից սկիզբ առած հարձակումները ադրբեջանական իշխանության հայատյացության ու թշնամանքի քաղաքականության բնական շարունակությունն են: Այդքան ապացուցել եմ, որ դա չի դադարելու, քանի որ Ադրբեջանում սեփական իշխանությունը պահպանելու միջոց է:

2021 թվականի ընտրությունները բողոքարկվել են, լեգիտիմության դեֆիցիտ ունեին, այլ հարց է, որ Սահմանադրական դատարանը խիզախություն չի ունեցել արձանագրելու։ Այս մասին NEWS am-ի հետ զրույցում ասաց ԱԺ «Հայաստան» խմբակցության պատգամավոր Արամ Վարդեւանյանը։

Արամ Վարդեւանյանի կարծիքով՝ ԱԺ նախագահ Ալեն Սիմոնյանն իր պատասխանում բառացիորեն ներկայացնում է 2017 թվականի խորհրդարանական ընտրությունների արդյունքները ընդդիմադիր ուժի՝ «Ելք» խմբակցության կողմից որեւէ կերպ չվիճարկելու փաստը. «Ի դեպ հենց այդ խմբակցության կամ դաշինքի անդամ հանդիսացել է հենց վերջինս»։

ԱԺ պատգամավորը հիշեցրեց, որ 2021 թվականի հունիսի 20-ի ընտրությունների արդյունքները վիճարկվել էին Սահմանադրական դատարանում.

«Հատկանշական է, որ ընտրությունների արդյունքները վիճարկվել էին ոչ միայն «Հայաստան», «Պատվիվ ունեմ» դաշինքների կողմից, այլեւ «Զարթոնք», «Հայոց Հայրենիք» կուսակցությունների կողմից: Այսինքն, ընդհանուր առմամբ ընտրությունների արդյունքները վիճարկվել էին թե՛ ըստ ԿԸՀ որոշման համապատասխան շեմը հաղթահարած քաղաքական միավորների կողմից, թե՛ շեմը չհաղթահարած քաղաքական միավորների կողմից: Սա խոսում է նրա մասին, որ ընտրությունների արդյունքների նկատմամբ անհրաժեշտ վստահություն, արդարության անհրաժեշտ բաղադրիչը չի եղել»։

Պատգամավորի խոսքով՝ դա նաեւ պայմանավորված է այն խախտումներով, որոնք արձանագրվել էին. «Հիշեցնեմ, որ առաջին անգամ ՀՀ պատմության մեջ ընտրությունների ընթացքում առկա է եղել Վարչական դատարանի որոշում, որով հստակ արձանագրվել էր վարչական ռեսուրսի չարաշահման փաստը Քաաղաքացիական պայմանագիրկուսակցության ներկայացուցիչների կողմից: Եվ սա նաեւ զետեղվել էր ՍԴ որոշման մեջ: Առաջին անգամ ՀՀ պատմության մեջ ՍԴ-ն արձանագրել է ատելության խոսքի աննախադեպ ծավալը, որը գեներացվում էր ՔՊ-ի կողմից: Առաջին անգամ Սահմանադրական դատարանը հրաժարվեց պաշտպանել հենց Սահմանադրության նախագծի հիմնավորումն առ այն, որ մեկ խմբակցություն չի կարող ստանալ մանդատների այնպիսի ծավալ, որ առանց ընդդիմության ընդունի սահմանադրական օրենքներ կամ ընտրի սահմանադրական մարմինների պաշտոնյաների։ Այսինքն, այն իբր պնդումը, որ ընտրությունների արդյունքները չեն վիճարկվել ՍԴ-ում, ոչ միայն ակնհայտ սուտ են, այլեւ դժվար է ընկալել, թե ինչպես կարող է նման դիրքորոշում արտահայտվել բարձրաստիճան պաշտոնատար անձի կողմից: Կարծում եմ՝ սա այն դեպքն է, որ հանրությունը կարող է եւս մեկ անգամ իր հետեւություններն անել իրեն ներկայացվող տեղեկությունների վերաբերյալ: Կարծում եմ՝ նաեւ տեղին է նշել, որ ՍԴ-ում գործի քննությունը եւ սահմանադրական արդարադատությունը, որը տեղի էր ունենում, ամենալայն լուսաբանումը ստացած Սահմանադրական դատարանում գործն էր: Չգիտեմ՝ ինչ նպատակ էր հետապնդում հանրությանը մոլորեցնելու այս փորձը, կարծում եմ՝ այդ հարցի հասցեատերը ես չեմ»։

Արամ Վարդեւանյանը շեշըեց, որ 2021 թվականի ընտրությունների արդյունքները մի շարք ուժերի, այդ թվում՝ «Հայաստան» դաշինքի կողմից չեն ընդունվել.։

Թեհրանը դեմ հանդես կգա Իրանի եւ Հայաստանի միջեւ սահմանը փակելու ցանկացած քաղաքականության. Այս մասին հայտարարել է Իրանի հոգեւոր առաջնորդ այաթոլլա Ալի Սայեդ Խամենեին Թուրքիայի նախագահ Ռեջեփ Թայիփ Էրդողանի հետ հանդիպմանը։

Press TV-ի փոխանցմամբ՝ Խամենեին ողջունել է «Լեռնային Ղարաբաղի վերադարձն Ադրբեջանին», սակայն ընդգծել է, որ Իսլամական Հանրապետությունը դեմ կլինի Իրանի եւ Հայաստանի միջեւ սահմանը փակելու ցանկացած քաղաքականության, «քանի որ այդ սահմանը հազարավոր տարիներ գոյություն ունեցող կապող օղակ է»:

Երևան, 15 մարտի 2022թ.

«Բարգավաճ Հայաստան» կուսակցության կենտրոնական շտաբում տեղի ունեցած ժողովի ընթացքում քննարկվել են Հայաստանում ստեղծված քաղաքական, անվտանգային և սոցիալ-տնտեսական հիմնական խնդիրները, որոնք մասնակիցների գնահատմամբ առաջացել էին իշխանությունների սխալ և անհեռատես քաղաքականության հետևանքով։

Քննարկումների առանցքում եղել են պատերազմից հետո ձևավորված ներքաղաքական իրավիճակը, հասարակության ներսում աճող դժգոհությունը, անվտանգության մարտահրավերները ևև կուսակցության ակտիվ անդամների ու առհասարակ ընդդիմադիր ուժերի նկատմամբ իրականացվող հետապնդումները, որոնք արդեն խիստ մտահոգիչ աստիճանի են հասնում, ընդհուպ դառնում կյանքի անմիջական սպառնալիք։

Քննարկումների առանցքում եղել են պատերազմից հետո ձևավորված ներքաղաքական իրավիճակը, հասարակության ներսում աճող դժգոհությունը, անվտանգության մարտահրավերները ևև կուսակցության ակտիվ անդամների ու առհասարակ ընդդիմադիր ուժերի նկատմամբ իրականացվող հետապնդումները, որոնք արդեն խիստ մտահոգիչ աստիճանի են հասնում, ընդհուպ դառնում կյանքի անմիջական սպառնալիք։

Արթուր Սաֆարյանը իր ելույթում մտահոգություն է արտահայտել այն մասին , որ ընդդիմադիր հայացքներ ունեցող անձանց նկատմամբ ճնշումները դարձել են մտահոգիչ երևույթ։

«Մենք այսօր այստեղ ենք ոչ միայն քաղաքական գնահատական տալու երկրում ստեղծված իրավիճակին, այլ նաև խոսելու այն ցավի մասին, որի միջով անցել են բազմաթիվ ընտանիքներ, այդ թվում նաև իմ ընտանիքը։ Ես չեմ կարող լռել այն մասին, թե ինչ է տեղի ունեցել իմ հոր հետ։ Նրան բռնության ենթարկեցին, նրա առողջությունը կտրուկ վատացավ, ինչը հանգեցրեց մահվան։ Սա ինձ համար պայքարելու և բարձրաձայնելու պարտավորություն է դարձել, որպեսզի որևէ ընտանիք այլևս նման կորուստ չկրի քաղաքական կարծիքի համար»,- իր ելույթում ընդգծեց Սաֆարյանը։

Նա նաև նշել է, որ երիտասարդության շրջանում խորանում են ապագայի նկատմամբ անհանգստություններն ու անվստահությունը։

«Երիտասարդները ցանկանում են ապրել անվտանգ, արժանապատիվ և կանխատեսելի երկրում։ Երբ քննադատությունը ընկալվում է որպես թշնամանք, իսկ այլ կարծիք ունեցող մարդիկ զգում են ճնշում, մմենք ապագա չունենք։ Մենք համոզված ենք, որ Հայաստանի ապագան պետք է կառուցվի իրավունքի գերակայության, քաղաքական հանդուրժողականության և քաղաքացիների ձայնը լսելու հիմքի վրա»,– ասել է նա։

Ժողովի ընթացքում Աշոտ Անդրեասյանը ևս անդրադարձել է երիտասարդության ներգրավվածության և քաղաքական գործընթացներում ազատ մասնակցության կարևորությանը՝ ընդգծելով, որ հասարակական խնդիրների լուծումը պահանջում է բաց քննարկումներ և քաղաքական պատասխանատվություն։

ԲՀԿ նախագահ Գագիկ Ծառուկյանը վստահեցրել է, որ կուսակցության քաղաքական ուղին հստակ է՝ գործող իշխանությունները ձախողված են ու պետք է հեռանան, ուստի կուսակցության համար առաջնահերթ հարցերին գնահատական կտրվի ենելով հենց այս դիրքորոշումից։

Երևան, 22 դեկտեմբերի 2021 թ.

Դեկտեմբերի 19-ին իրավապահ մարմինների աշխատակիցները խուզարկություն են իրականացրել ընդդիմադիր գործիչ Հայաստանի Հանրապետական կուսակության անդամ Արմեն Նահապետյանի տանը։ Հիշեցնենք, որ նա հանրապետական կուսակցության նախկին պատգամավոր Կորյուն Նահապետյանի եղբայրն է և նրա ընտանիքի անդամները ։ Նահապետյանի դուստրը՝ Աննա Նահապետյանը և որդին՝ Գագիկ Նահապետյանը նույնպես ներգրավված են ակտիվ քաղաքական, ընդդիմադիր գործունեության մեջ ու ներկայում «Հայաստան» դաշինքի աջակիցներ են ։

Ըստ պաշտոնական վարկածի, նրանք տանը իրականացրել են բողոքի ակցիաների նախապատրաստաական աշխատանքներ, թաքցրել են փաստաթղթեր, որոնք կարող էին գաղտնի տեղեկատվություն պարունակել։

Խուզարկությունից հետո Արմեն Նահապետյանը, նրա դուստրը՝ Աննա Նահապետյանը, և եղբայրը՝ Գագիկ Նահապետյանը տեղափոխվել են Ազգային անվտանգության ծառայություն՝ հարցաքննության։

Մեզ հաջողվեց կապ հաստատել Կորյուն Նահապետյանի հետ և որոշակի տեղեկատվություն ստանալ նրանց ընտանիքի անդամների նկատմամբ իրականացվող գործողությունների վերաբերյալ ։

Ըստ նախկին պատգամավորի, Արմեն, Աննա և Գագիկ Նահապետյանների հարցաքննության ընթացքում իրավապահները մասնավորապես հետաքրքրվել են միջազգային դիտորդների և իրավապաշտպան օտարերկրյա կառույցների ներկայացուցիչների հետ անցկացված հանդիպումներով։

Աննա Նահապետյանից, որը 2021 թվականի արտահերթ խորհրդարանական ընտրությունների ընթացքում «Հայաստան» դաշինքի կողմից ներգրավված էր որպես թարգմանիչ և մասնակցել էր միջազգային պատվիրակությունների հետ հանդիպումներին, պահանջել են տեղեկություններ տրամադրել այդ հանդիպումների բովանդակության, ինչպես նաև դաշինքի հնարավոր միջազգային կապերի և ֆինանսավորման աղբյուրների մասին։

Նահապետյանների ընտանիքը տեղի ունեցածը գնահատում է որպես իրենց նկատմամբ տարիներ շարունակ իրականացվող քաղաքական հետապնդման հերթական դրսևորում։

Հիշեցնենք, որ Կորյուն Նահապետյանը ևս ներկայում քրեական հետապնդման տակ է և երկրից բացակայելու սահմանափակում ունի, իսկ Գագիկ Նահապետյանը ամիսներ առաջ բռնության էր ենթարկվել իրավապահների կողմից։ Հիմա թիրախավորել են նույնիսկ ընտանիքի կանաց, ի դեմս Աննա Նահապետյանի։

Հայաստան դաշինքի գրասենյակից կատարվածը մեկնաբանում են որպես մաքուր քաղաքական հետապնդում, իրավական տեսանկյունից բացարձակ հիմնազուրկ գործողություններ, որն իրականում կարելի է բնորոշել հաշվեհարդար Նահապետյանների նկատմամբ ՝ նրանց ակտիվ ընդդիմադիր գործունեության և հակաիշխանական հռետորաբանության համար։

Այսօրվա դրությամբ իրավապահ մարմիններն առայժմ չեն հստակեցրել, կոնկրետ ինչ հիմքով են Նահապետյանների տունը խուզարկել ու նրանց հարցաքննել, ինչպես նաև չի հաստատվել վարկածը, թե իբր Նահապետյանների տանը գաղտնի տեղեկատվութուն պարունակող փաստաթղթեր են պահվել։

Հեղինակ՝ Լիլիթ Թումանյան

ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը հայտարարություն է տարածել «Հայաստան» դաշինքի՝  կալանքի տակ պահվող պատգամավորների ազատ արձակվելու կապակցությամբ։

Հայտարարությունը ներկայացնում ենք ստորև․

«Հարգելի հայրենակիցներ,
Արդարությունը վերականգնելու ճանապարհին այսօր կարևոր քայլ արձանագրվեց. ազատ արձակվեցին «Հայաստան» դաշինքի՝ տևականորեն ապօրինի կալանքի տակ պահվող պատգամավորներ Արմեն Չարչյանը, Մխիթար Զաքարյանը և Արթուր Սարգսյանը:

Ի սկզբանե ակնհայտ էր, որ այս հետապնդումը որևէ կապ չունի արդարադատության հետ: Սա այն ակնհայտ ապօրինություններից էր, որը հասկանալի էր անգամ իրավաբանությունից գիտելիքներ չունեցողների, բայց ոչ՝ այսօրվա դատախազության ու որոշ դատավորների համար:
Միասնական, կազմակերպված ու գրագետ պայքարի արդյունք էր ապօրինությունների այս շղթայի կոտրումը:

Մենք շարունակելու ենք պայքարը, բոլոր շինծու գործերը քանդվելու են, և վստահեցնում եմ՝ ապօրինություն գործած պաշտոնյաները սեփական մաշկի վրա զգալու են իսկական արդարադատության ուժը»։

Դեկտեմբերի 8-ին Հայաստանի ԱԳ նախարար Արարատ Միրզոյանը հեռախոսազրույց է ունեցել Ռուսաստանի ԱԳ նախարար Սերգեյ Լավրովի հետ:

ՀՀ և ՌԴ ԱԳ նախարարները քննարկել են Լեռնային Ղարաբաղի հակամարտությանը վերաբերող հարցերի լայն շրջանակ: Կարևորվել է ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության տևական ու համապարփակ կարգավորման նպատակով խաղաղ գործընթացի լիարժեք վերականգնումը։

Արարատ Միրզոյանը և Սերգեյ Լավրովը քննարկել են նաև 2020թ. նոյեմբերի 9-ի, 2021թ․ հունվարի 11-ի և նոյեմբերի 26-ի եռակողմ հայտարարություններով կողմերի ստանձնած պարտավորությունների կատարման ընթացքը։

Նախարար Միրզոյանն ընդգծել է, որ Ադրբեջանի ղեկավարության կողմից հնչող ռազմատենչ հայտարարությունները և ուժի կիրառման սպառնալիքները լրջորեն վտանգում են տարածաշրջանային կայունությունը և անվտանգությունը:

ՀՀ և ՌԴ ԱԳ նախարարները քննարկել են նաև «3+3» ձևաչափին առնչվող, ինչպես նաև տարածաշրջանային ու միջազգային օրակարգի փոխադարձ հետաքրքրություն ներկայացնող հարցեր։

11 նոյեմբերի, 2021, Երևան

44-օրյա պատերազմի ավարտից ուղիղ մեկ տարի անց զոհված ու անհետ կորած հարյուրավոր զինծառայողների հարազատներ դեռ իրենց որդիներից, եղբայրներից ու ամուսիններից լուրի են սպասում։ Չնայած պաշտոնապես չի հաստատվել, սակայն, որոշ հարազատներ հավատում են՝ իրենց որդիները ողջ են ու գերեվարված։ Հարյուրավոր ծնողներ կրկին հավաքվել էին ՊՆ դիմաց և նախարարից պատասխան էն պահանջում։ Նրանց նպատակն է հասկանալ, թե ինչն է պետական այս անտարբերության պատճառը, այն դեպքում , երբ իրենց զավակների կյանքը զոհաբերվել է հանուն ՀՀ-ի։

«Մենք ներկայացրել ենք իրանց, որ կան փաստեր, բայց մինչև հիմա անտեսվում է դա: Մենք հասկանում ենք, որ եթե մի ծնողի իրանք աջակցեցին, պիտի պատրաստ լինեն բոլոր ծնողներին աջակցել»,-նշում էր անհետ կորած Զավեն Հակոբյանի մայրը։

«Մենք ՊՆ-ին ենք տվել մեր եղբայրներին, թող նախարարն էլ մեզ պատասխան տա:Երեք օր է ուզում ենք նախարարին տեսնել, բայց չի ընդունում»-հայտարարեց ակցիայի մասնակից Էդմոնդ Գևորգյանը, որը ևս պատերազմի մասնակից է և արդեն մի տարի է փնտրում է եղբորը:

Նոյեմբերի 9-ի ակցիայի ժամանակ իր ելույթում Էդմոն Գևորգյանը կոչ էր անում անուն առ անուն հիշել մեր հերոսներին։

«Մենք բոլորս ունենք կորցրած եղբայրներ, որդիներ, որոնք այս պատերազմում հերոսաբար պաշտպանել են իրենց հողը, տունն ու ընտանիքը։ Մենք չենք կարող նրանց մոռանալ ու պետությունը նույնպես չի կարող ուրանալ նրանց սխրանքը, նրանք պարտավորն են պատշաճ քայլեր ձեռնարկել,ստանձնել պատասխանատվություն տղաների ճակատագրի համար», - ընդգծում էր Գևորգյանը։

Ակացիայի մասնակիցներին ՊՆ աշխատակազմից այդ օրը ոչ ոք այդպես էլ չի ընդունել ու շատ չանցած ոստիկանությունը ցրել է բողոքի ակցիան։

Իրավապաշտպան Սիրանուշ Սահակյանը, որ ներկայում զբաղվում է անհետ կորածների ծնողների իրավունքների պաշտպանությամբ, մեր հետ զրույցում համոզմունք հայտնեց, որ անհետ կորածներից շատերի ողջ լինելը չի հաստատվում պաշտոնապես, քանի որ պետությունը բավարար աշխատանք չի կատարում այդ ուղղությամբ, որևէ հետաքրքրություն չի դրսևորում այս խնդրի ուղղությամբ։ Կառավարություն պարզապես փակված է համարում այդ հարցը և անտեսում է այս մարդկանց իրավունքները, ցավը, վիշտը ու բացահայտ արհամարհում է։Սահակյանը վստահ է, որ գերիների թիվը պաշտոնականից ավելի մեծ է, բայց ցավալին այն է, որ դա ոչ միայն չի հաստատում ադրբեջանական կողմը, այլև մեր պետությունը։

Իրավապաշտպան Սիրանուշ Սահակյանը շեշտեց, որ իր ցուցումով շատերը դիմել են կարմիր Խաչ, որտեղ հաստատվել է մի շարք զինծառայողների ողջ և գերության մեջ գտնվելու փաստը,ուստի հարազատների հետ հետևողական են լինելու, որպեսզի հասնեն արդարության։

Ազատուհի Գասպարյան