Ամենօրյա վարժություններն ըստ գրացուցակի ավելի արդյունավետորեն են ամրացնում հոդերը

Ֆիզիկական ակտիվությունն ավելի արդյունավետորեն է ամրացնում հոդերն ու ոսկորները, եթե այն անցկացվում է ամեն օր նույն ժամին։ Նման եզրակացության են հանգել Մանչեստրի համալսարանի գիտնականները։ 

Կրծողների վրա կատարված փորձերը ցույց են տվել, որ անկանոն, անկանխատեսելի գործունեությունը հանգեցնում է ոսկորների և աճառի վնասմանը։ Եվ ընդհակառակը, նույն ժամին ֆիզիկական ակտիվությամբ զբաղվելու սովորությունը նպաստել է մկանային- հենակետային համակարգի հետ օրգանզիմի ցիրկադային ռիթմերի սինխրոնիզացմանը։

Գիտնականները նշում են, որ առավոտյան վարժություններն ակտիվացնում են ուղեղի լուսազգայուն կենտրոնները՝ մարմնին ազդանշան տալով «արթնանալու» մասին և խթանելով մկանային-հենակետային համակարգը։ Հետազոտողների կարծիքով, ցիրկադային ցիկլերը նկատվում են ոչ միայն սրտում և ճարպային բջիջներում, այլև միջողնային սկավառակների և աճառի հյուսվածքներում։ Այդ ռիթմերի խախտումը կապված է հիվանդությունների բարձր ռիսկի հետ։

Հեղինակներն ընդգծում են, որ հետևողական վարժությունների ռեժիմի պահպանումը կարող է հատկապես օգտակար լինել տարեցների և արթրիտից տառապող բուժառուների համար, քանի որ հետևողական ֆիզիկական ակտիվությունը նպաստում է ոսկրերի կորստի դանդաղեցմանը և կոտրվածքների վտանգի նվազեցմանը։ Հետազոտողները մտադիր են հետագա փորձերի ժամանակ այդ արդյունքները փորձարկել մարդկանց վրա՝ հոդերի և աճառների առողջության համար վարժությունների օպտիմալ ժամանակացույցի վերաբերյալ առաջարկությունները կատարելագործելու համար։