Ադրբեջանական հարձակումները ՀՀ խաղաղ բնակավայրերի նկատմամբ նաև ՀՀ ինքնիշխան տարածք ներխուժած վայրերից են. Այսինքն` Սյունիքի ու Գեղարքունիքի այն վայրերից, ճսնապարհներից, որտեղ ներխուժել էին ու անօրինական տեղակայվել 2021թ. մայիսից: Այս մասին հյտարարել է ՀՀ նախկին ՄԻՊ Արման Թաթոյանը:

Նա նաեւ նշել է. «Օրինակ` նշանառու հարձակման տակ են Գեղարքունիքի մարզի Սոթք, Նորաբակ, Կութ գյուղերը` դպրոցներից մինչև խաղաղ բնակիչների տներ:

Սյունիքում խաղաղ բնակավայրերը հարձակման են ենթարկում, կրակում են ինչպես Սյունիքի Կապան-Ճակատեն ճանապարհին, գյուղերի հարևանությամբ, այնպես էլ Սև լճի տարածք ներխուժած ու անօրինական տեղակայված ադրբեջանական դիրքերից:

Մշտապես եմ ասել, որ ինքնին ադրբեջանական զինված տեղակայումները ՀՀ գյուղերի հարևանությամբ կամ ճանապարհներին հանցավոր է, դա արդեն իսկ իրական սպառնալիք է մարդկանց կյանքին ու անվտանգությանը, բնակավայրերին, մեր ողջ երկրին:

Երեկվանից սկիզբ առած հարձակումները ադրբեջանական իշխանության հայատյացության ու թշնամանքի քաղաքականության բնական շարունակությունն են: Այդքան ապացուցել եմ, որ դա չի դադարելու, քանի որ Ադրբեջանում սեփական իշխանությունը պահպանելու միջոց է:

2021 թվականի ընտրությունները բողոքարկվել են, լեգիտիմության դեֆիցիտ ունեին, այլ հարց է, որ Սահմանադրական դատարանը խիզախություն չի ունեցել արձանագրելու։ Այս մասին NEWS am-ի հետ զրույցում ասաց ԱԺ «Հայաստան» խմբակցության պատգամավոր Արամ Վարդեւանյանը։

Արամ Վարդեւանյանի կարծիքով՝ ԱԺ նախագահ Ալեն Սիմոնյանն իր պատասխանում բառացիորեն ներկայացնում է 2017 թվականի խորհրդարանական ընտրությունների արդյունքները ընդդիմադիր ուժի՝ «Ելք» խմբակցության կողմից որեւէ կերպ չվիճարկելու փաստը. «Ի դեպ հենց այդ խմբակցության կամ դաշինքի անդամ հանդիսացել է հենց վերջինս»։

ԱԺ պատգամավորը հիշեցրեց, որ 2021 թվականի հունիսի 20-ի ընտրությունների արդյունքները վիճարկվել էին Սահմանադրական դատարանում.

«Հատկանշական է, որ ընտրությունների արդյունքները վիճարկվել էին ոչ միայն «Հայաստան», «Պատվիվ ունեմ» դաշինքների կողմից, այլեւ «Զարթոնք», «Հայոց Հայրենիք» կուսակցությունների կողմից: Այսինքն, ընդհանուր առմամբ ընտրությունների արդյունքները վիճարկվել էին թե՛ ըստ ԿԸՀ որոշման համապատասխան շեմը հաղթահարած քաղաքական միավորների կողմից, թե՛ շեմը չհաղթահարած քաղաքական միավորների կողմից: Սա խոսում է նրա մասին, որ ընտրությունների արդյունքների նկատմամբ անհրաժեշտ վստահություն, արդարության անհրաժեշտ բաղադրիչը չի եղել»։

Պատգամավորի խոսքով՝ դա նաեւ պայմանավորված է այն խախտումներով, որոնք արձանագրվել էին. «Հիշեցնեմ, որ առաջին անգամ ՀՀ պատմության մեջ ընտրությունների ընթացքում առկա է եղել Վարչական դատարանի որոշում, որով հստակ արձանագրվել էր վարչական ռեսուրսի չարաշահման փաստը Քաաղաքացիական պայմանագիրկուսակցության ներկայացուցիչների կողմից: Եվ սա նաեւ զետեղվել էր ՍԴ որոշման մեջ: Առաջին անգամ ՀՀ պատմության մեջ ՍԴ-ն արձանագրել է ատելության խոսքի աննախադեպ ծավալը, որը գեներացվում էր ՔՊ-ի կողմից: Առաջին անգամ Սահմանադրական դատարանը հրաժարվեց պաշտպանել հենց Սահմանադրության նախագծի հիմնավորումն առ այն, որ մեկ խմբակցություն չի կարող ստանալ մանդատների այնպիսի ծավալ, որ առանց ընդդիմության ընդունի սահմանադրական օրենքներ կամ ընտրի սահմանադրական մարմինների պաշտոնյաների։ Այսինքն, այն իբր պնդումը, որ ընտրությունների արդյունքները չեն վիճարկվել ՍԴ-ում, ոչ միայն ակնհայտ սուտ են, այլեւ դժվար է ընկալել, թե ինչպես կարող է նման դիրքորոշում արտահայտվել բարձրաստիճան պաշտոնատար անձի կողմից: Կարծում եմ՝ սա այն դեպքն է, որ հանրությունը կարող է եւս մեկ անգամ իր հետեւություններն անել իրեն ներկայացվող տեղեկությունների վերաբերյալ: Կարծում եմ՝ նաեւ տեղին է նշել, որ ՍԴ-ում գործի քննությունը եւ սահմանադրական արդարադատությունը, որը տեղի էր ունենում, ամենալայն լուսաբանումը ստացած Սահմանադրական դատարանում գործն էր: Չգիտեմ՝ ինչ նպատակ էր հետապնդում հանրությանը մոլորեցնելու այս փորձը, կարծում եմ՝ այդ հարցի հասցեատերը ես չեմ»։

Արամ Վարդեւանյանը շեշըեց, որ 2021 թվականի ընտրությունների արդյունքները մի շարք ուժերի, այդ թվում՝ «Հայաստան» դաշինքի կողմից չեն ընդունվել.։

Թեհրանը դեմ հանդես կգա Իրանի եւ Հայաստանի միջեւ սահմանը փակելու ցանկացած քաղաքականության. Այս մասին հայտարարել է Իրանի հոգեւոր առաջնորդ այաթոլլա Ալի Սայեդ Խամենեին Թուրքիայի նախագահ Ռեջեփ Թայիփ Էրդողանի հետ հանդիպմանը։

Press TV-ի փոխանցմամբ՝ Խամենեին ողջունել է «Լեռնային Ղարաբաղի վերադարձն Ադրբեջանին», սակայն ընդգծել է, որ Իսլամական Հանրապետությունը դեմ կլինի Իրանի եւ Հայաստանի միջեւ սահմանը փակելու ցանկացած քաղաքականության, «քանի որ այդ սահմանը հազարավոր տարիներ գոյություն ունեցող կապող օղակ է»:

Երևան, 15 մարտի 2022թ.

«Բարգավաճ Հայաստան» կուսակցության կենտրոնական շտաբում տեղի ունեցած ժողովի ընթացքում քննարկվել են Հայաստանում ստեղծված քաղաքական, անվտանգային և սոցիալ-տնտեսական հիմնական խնդիրները, որոնք մասնակիցների գնահատմամբ առաջացել էին իշխանությունների սխալ և անհեռատես քաղաքականության հետևանքով։

Քննարկումների առանցքում եղել են պատերազմից հետո ձևավորված ներքաղաքական իրավիճակը, հասարակության ներսում աճող դժգոհությունը, անվտանգության մարտահրավերները ևև կուսակցության ակտիվ անդամների ու առհասարակ ընդդիմադիր ուժերի նկատմամբ իրականացվող հետապնդումները, որոնք արդեն խիստ մտահոգիչ աստիճանի են հասնում, ընդհուպ դառնում կյանքի անմիջական սպառնալիք։

Քննարկումների առանցքում եղել են պատերազմից հետո ձևավորված ներքաղաքական իրավիճակը, հասարակության ներսում աճող դժգոհությունը, անվտանգության մարտահրավերները ևև կուսակցության ակտիվ անդամների ու առհասարակ ընդդիմադիր ուժերի նկատմամբ իրականացվող հետապնդումները, որոնք արդեն խիստ մտահոգիչ աստիճանի են հասնում, ընդհուպ դառնում կյանքի անմիջական սպառնալիք։

Արթուր Սաֆարյանը իր ելույթում մտահոգություն է արտահայտել այն մասին , որ ընդդիմադիր հայացքներ ունեցող անձանց նկատմամբ ճնշումները դարձել են մտահոգիչ երևույթ։

«Մենք այսօր այստեղ ենք ոչ միայն քաղաքական գնահատական տալու երկրում ստեղծված իրավիճակին, այլ նաև խոսելու այն ցավի մասին, որի միջով անցել են բազմաթիվ ընտանիքներ, այդ թվում նաև իմ ընտանիքը։ Ես չեմ կարող լռել այն մասին, թե ինչ է տեղի ունեցել իմ հոր հետ։ Նրան բռնության ենթարկեցին, նրա առողջությունը կտրուկ վատացավ, ինչը հանգեցրեց մահվան։ Սա ինձ համար պայքարելու և բարձրաձայնելու պարտավորություն է դարձել, որպեսզի որևէ ընտանիք այլևս նման կորուստ չկրի քաղաքական կարծիքի համար»,- իր ելույթում ընդգծեց Սաֆարյանը։

Նա նաև նշել է, որ երիտասարդության շրջանում խորանում են ապագայի նկատմամբ անհանգստություններն ու անվստահությունը։

«Երիտասարդները ցանկանում են ապրել անվտանգ, արժանապատիվ և կանխատեսելի երկրում։ Երբ քննադատությունը ընկալվում է որպես թշնամանք, իսկ այլ կարծիք ունեցող մարդիկ զգում են ճնշում, մմենք ապագա չունենք։ Մենք համոզված ենք, որ Հայաստանի ապագան պետք է կառուցվի իրավունքի գերակայության, քաղաքական հանդուրժողականության և քաղաքացիների ձայնը լսելու հիմքի վրա»,– ասել է նա։

Ժողովի ընթացքում Աշոտ Անդրեասյանը ևս անդրադարձել է երիտասարդության ներգրավվածության և քաղաքական գործընթացներում ազատ մասնակցության կարևորությանը՝ ընդգծելով, որ հասարակական խնդիրների լուծումը պահանջում է բաց քննարկումներ և քաղաքական պատասխանատվություն։

ԲՀԿ նախագահ Գագիկ Ծառուկյանը վստահեցրել է, որ կուսակցության քաղաքական ուղին հստակ է՝ գործող իշխանությունները ձախողված են ու պետք է հեռանան, ուստի կուսակցության համար առաջնահերթ հարցերին գնահատական կտրվի ենելով հենց այս դիրքորոշումից։

ՀՀ երկրորդ նախագահ, «Հայաստան» դաշինքի ղեկավար Ռոբերտ Քոչարյանը հայտարարություն է տարածել «Հայաստան» դաշինքի՝  կալանքի տակ պահվող պատգամավորների ազատ արձակվելու կապակցությամբ։

Հայտարարությունը ներկայացնում ենք ստորև․

«Հարգելի հայրենակիցներ,
Արդարությունը վերականգնելու ճանապարհին այսօր կարևոր քայլ արձանագրվեց. ազատ արձակվեցին «Հայաստան» դաշինքի՝ տևականորեն ապօրինի կալանքի տակ պահվող պատգամավորներ Արմեն Չարչյանը, Մխիթար Զաքարյանը և Արթուր Սարգսյանը:

Ի սկզբանե ակնհայտ էր, որ այս հետապնդումը որևէ կապ չունի արդարադատության հետ: Սա այն ակնհայտ ապօրինություններից էր, որը հասկանալի էր անգամ իրավաբանությունից գիտելիքներ չունեցողների, բայց ոչ՝ այսօրվա դատախազության ու որոշ դատավորների համար:
Միասնական, կազմակերպված ու գրագետ պայքարի արդյունք էր ապօրինությունների այս շղթայի կոտրումը:

Մենք շարունակելու ենք պայքարը, բոլոր շինծու գործերը քանդվելու են, և վստահեցնում եմ՝ ապօրինություն գործած պաշտոնյաները սեփական մաշկի վրա զգալու են իսկական արդարադատության ուժը»։

Դեկտեմբերի 8-ին Հայաստանի ԱԳ նախարար Արարատ Միրզոյանը հեռախոսազրույց է ունեցել Ռուսաստանի ԱԳ նախարար Սերգեյ Լավրովի հետ:

ՀՀ և ՌԴ ԱԳ նախարարները քննարկել են Լեռնային Ղարաբաղի հակամարտությանը վերաբերող հարցերի լայն շրջանակ: Կարևորվել է ԵԱՀԿ Մինսկի խմբի համանախագահության մանդատի ներքո Լեռնային Ղարաբաղի հակամարտության տևական ու համապարփակ կարգավորման նպատակով խաղաղ գործընթացի լիարժեք վերականգնումը։

Արարատ Միրզոյանը և Սերգեյ Լավրովը քննարկել են նաև 2020թ. նոյեմբերի 9-ի, 2021թ․ հունվարի 11-ի և նոյեմբերի 26-ի եռակողմ հայտարարություններով կողմերի ստանձնած պարտավորությունների կատարման ընթացքը։

Նախարար Միրզոյանն ընդգծել է, որ Ադրբեջանի ղեկավարության կողմից հնչող ռազմատենչ հայտարարությունները և ուժի կիրառման սպառնալիքները լրջորեն վտանգում են տարածաշրջանային կայունությունը և անվտանգությունը:

ՀՀ և ՌԴ ԱԳ նախարարները քննարկել են նաև «3+3» ձևաչափին առնչվող, ինչպես նաև տարածաշրջանային ու միջազգային օրակարգի փոխադարձ հետաքրքրություն ներկայացնող հարցեր։

11 հոկտեմբերի, 2021, Երևան

44-օրյա պատերազմից ամիսներ անց զոհված ու անհետ կորած զինծառայողների բազմաթիվ ծնողներ դեռ իրենց որդիներից լուրի են սպասում։ Չնայած պաշտոնապես չի հաստատվել, սակայն, որոշ հարազատներ հավատում են՝ իրենց որդիները ողջ են ու գերեվարված։ Ծնողները պնդում են, որ նույնիսկ ապացույցներ ունեն։ Այսօր հարյուրավոր ծնողներ կրկին հավաքվել էին ՊՆ դիմաց և նախարարից պատասխան էն պահանջում։ Նրանց նպատակն է հասկանալ, թե ինչն է պետական այս անտարբերության հիմքը, ինչով են արժանացել նման արհամարհանքի, այն դեպքում , երբ իրենց զավակների կյանքը զոհաբերվել է հանուն ՀՀ։

«Մենք ամեն ձևով ապացույցներ ներկայացրել ենք իրանց, որ կան փաստեր, բայց ոնց ասում են՝ մինչև հիմա անտեսվում է դա: Մենք էդ էլ ենք հասկանում, որ եթե մի ծնողի հանկարծ իրանք աջակցեցին, իրանք պիտի պատրաստ լինեն բոլոր ծնողներին պատասխան տան», -ասաց անհետ կորած զինծառայող Հակոբ Հարությունյանի կինը՝ Կարինե Թևոսյանը:

Անգամ հարազատների մասունքներ ու ԴՆԹ նույնականացում ստացած որոշ հարազատներ են թերահավատ արդյունքների հետ կապված։

«Մենք մեր ինֆորմացիաներով հասկանում ենք, որ տղաները ողջ են, էն, ինչը որ ներկայացնում են, էդ ԴՆԹ-ները, որ տալիս են, դա էլ ա սուտ, մարդիկ կան փաստացի ապացուցում են, որ սուտ ա, որովհետև ապացույցներ կան: Իսկ ի՞նչ ա արվում, էդ երևի բոլորն են տեղյակ, որ ոչ մի բան չի արվում», - նշեց անհետ կորած զինծառայողի հորեղբայր Էդիկ Արևշատյանը:

Իրավապաշտպան Սիրանուշ Սահակյանը, որ ներկայում զբաղվում է անհետ կորածների ծնողների իրավունքների պաշտպանությամբ, մեր հետ զրույցում համոզմունք հայտնեց, որ անհետ կորածներից շատերի ողջ լինելը չի հաստատվում պաշտոնապես, քանի որ պետությունը բավարար աշխատանք չի կատարում այդ ուղղությամբ, որևէ հետաքրքրություն չի դրսևորում այս խնդրի ուղղությամբ։ Կառավարություն պարզապես փակված է համարում այդ հարցը և անտեսում է այս մարդկանց իրավունքները, ցավը, վիշտը ու բացահայտ արհամարհում է։ Սահակյանը վստահ է, որ գերիների թիվը պաշտոնականից ավելի մեծ է, բայց ցավալին այն է, որ դա ոչ միայն չի հաստատում ադրբեջանական կողմը, այլև մեր պետությունը։ «Մենք ՊՆ-ին ենք տվել մեր եղբայրներին, թող նախարարն էլ մեզ պատասխան տա: Երեք օր է ուզում ենք նախարարին տեսնել, բայց չի ընդունում: Եթե այսօր էլ չընդունեց, բոլորով գնալու ենք Էջմիածին իր տուն ու տանն իրեն սպասենք»- հայտարարեց ակցիայի մասնակից Թաթուլ Ղուկասյանը, որը Ռուսաստանից է եկել ու արդեն մի քանի ամիս է փնտրում է եղբորը:

Իրավապաշտպան Սիրանուշ Սահակյանը շեշտեց, որ իր ցուցումով շատերը դիմել են կարմիր Խաչ , որտեղ կրկին հաստատվել է մի շարք զինծառայողների ողջ և գերության մեջ գտնվելու փաստը, ուստի հարազատների հետ հետևողական են լինելու, որպեսզի հասնեն արդարության։

Հունիսի 20 -ի ընտրությունները կոչված էին լուծելու Հայաստանում ստեղծված ներքին անվստահության ու իշխանությունների լեգիտիմության հարցը, սակայն վերլուծաբանների համոզմամբ ճգնաժամն ավելի խորացավ։ Ընդդիմադիր ուժերի համոզմամբ Փաշինյանի կառավարությունը և ՔՊ կուսակցությունը փափուկ ուժի կիրառմամբ , հակաքարոզչությամբ և իշխանական բոլոր լծակների կիրառմամբ ուղղակի վերարտադրվեց։

« Հայաստան» դաշինքի անդամ Էդվին Թամազյանն ընտրությունները դիտարկել է որպես իր ներկայացրած քաղաքական ուժի կողմից ներկայացված վստահված անձ։ Նրա վկայությամբ, ընտրություններում տեղ են գտել ընտրակեղծիքների բոլոր հայտնի սխեմաները, որոնց համար փաշինյանական կառավարությունը քննադատում էր նախկիններին։

«Ես ականատես եմ եղել, թե ինչպես են նիկոլականները քաղաքացիներին ուղղորդում քվեարկել իրենց օգտին, տեղամասից քվեաթերթիկներ էին դուրս բերվում , մեր տեղամասը հոսանքազրկվեց ու մի քանի րոպե հայտնի չէր ինչ է կատարվում քվեատուփերի հետ»,- մտաբերում է Թամազյանը։ Քաղաքական գործչի գնահատականով, այդ օրը ընդդիմության ակտիվ գործիչների նկատմամբ վերևներից հրահանգ կար բռնություններ, սպառնալիքներ կիրառելու ու ամեն կերպ լռեցնելու։

Ընդդիմության ներկայացուցիչը հատուկ շեշտում է, որ մինչև հիմա ընտրական ցուցակներում առկա են մահացած կամ վաղուց ՀՀ տարածքում չբնակվող քաղաքացիների անուններ, որոնք հասկանալի է, որ տնօրինվում են իշխանությունների հայեցողությամբ և քվեարկվում նրանց օգտին ։

«Իմ ընտրատեղամասում նկատել եմ մարդկանց, որ ընտրաթերթիկը ձեռքներին մտել են տեղամաս, նկատել եմ կրկնակի քվեարկողների, դրա համար մի շարք բնակավայրերում ԿԸՀ-ն հրապարակել է քվեարկողների 100տոկոսանոց մասնակցություն, ինչը գործնականում անհնար է», - մեզ հետ զրույցում պատմում էր Էդվին Թամազյանը։

Թամազյանը ևս ընտրությունների օրը բռնության ու սպառնալիքների թիրախում է հայտնվել։ Երբ նա բարձրաձայնել է իր տեսած ընտրախախտումների մասին, նրան կանչել է ՔՊ նախընտրական շտաբի պետ Ռոմանոս Պետրոսյանը ու սպառնացել է հաշվեհարդար տեսնել հետը, եթե շարունակի միջամտել իրենց գործերին։

Կատարվածի վերաբերյալ իր դժգոհությունն արտահայտելու համար, Էդվին Թամազյանին ոստիկանությունը ուժով բերման է ենթարկել բաժին ու սպառնալիքներից հետո, վարչական տուգանքի ենթարկել։

«Ես նույնիսկ իմ իրավունքները պաշտպանելու հնարավորություն չունեցա, քանի որ ակնհայտորեն իշխանությունները ընդդիմախոսների դեմ են հանում ոստիկանական ու ԱԱԾ ուժերին՝ ճնշելու, վախացնելու ու լռեցնելու համար»,-նկատում է Թամազյանը։

«Հայաստան» դաշինքի անդամի հավաստմամբ ընտրություններից հետո էլ իշխանությունները շարունակում են ներկայացնել, թե իբր դեմոկրատական, արդար ու թափանցիկ ընտրություններ են տեղի ունեցել և իշխանությունը պահպանել է իր մանդատը՝ վերահաստատելով ժողովրդի վստահությունը։ «Դա ընդամենը քարոզչություն է, կեղծիք, որի հետևանքները դեռ մեր ժողովուրդը կտեսնի, Նիկոլ Փաշինյանը նոր մանդատով լեգիտիմացրեց իր ստորագրած ստորացուցիչ պայմանագիրը Արցախի վերաբերյալ ու շարունակելու է մեր երկիրը տանել դեպի պարտություններ»,- եզրահանգում է Թամազյանը։