Իրադարձություններ
Tasnim-ը հայտնել է՝ երբ են վերսկսելու Վիեննայում միջուկային գործարքի շուրջ բանակցությունները
Վիեննայում միջուկային գործարքի վերականգնման շուրջ բանակցությունները կվերսկսվեն հինգշաբթի։ Այդ մասին հայտնել է իրանական Tasnim լրատվական գործակալությունը:
Նշվում է, որ ժամկետը համաձայնեցրել են Իրանի փոխարտգործնախարար Ալի Բաղերին և ԵՄ արտաքին ծառայության քարտուղար, միջուկային գործարքի համատեղ հանձնաժողովի համակարգող Էնրիկե Մորան:
Ավստրիայի մայրաքաղաքում դեկտեմբերի 3-ին ավարտվել է Թեհրանի միջուկային ծրագրի շուրջ Գործողությունների համատեղ համապարփակ ծրագրի շրջանակներում բանակցությունների յոթերորդ փուլը։ Եվրոպացի մասնակիցները վերադարձել են իրենց երկրներ՝ երկխոսությունը շարունակելուց առաջ լրացուցիչ խորհրդակցությունների համար։ Բանակցությունների ընթացքում Թեհրանը կողմերին ներկայացրել է միջուկային համաձայնագրի երկարաձգման նախագիծը՝ ԱՄՆ պատժամիջոցների չեղարկման և միջուկային ծրագրի վերաբերյալ երկու փաստաթղթի տեսքով։
07.12.2021
«Մեր որդիներին դավաճան ասելու իրավունք չունեն»․Գյումրիում ևս ռազմագերիների հարազատները ճանապարհներ են փակել
Շիրակի մարզի գերեվարված զինծառայողների հարազատները ևս բողոքի ակցիաներ են իրականացրել՝ Գյումրիում փողոցներ փակելով։
Գրեվարված Հայկազ Հովհաննիսյանի եղբայրը՝ Արկադի Հովհաննիսյանը, Tert.am-ի հետ զրույցում նշեց, որ իրենք վրդովվել և հուսալքվել են գերիների վերաբերյալ ԱԺ նախագահ Ալեն Սիմոնյանի հայտարարություններից։
«Մեր տղաներին ոչ ոք իրավունք չունի մեղադրելու դավաճանության մեջ, պահանջում ենք վերադարձնեն և քննություն իրականացնեն։ Ինչպե՞ս կարելի է հայտարարություններ հնչեցնել, թե գերիները իրենց համար չկան, գոյություն չունեն։ Պետությունը պարտավոր է տղաներին հետ բերել»,-ասաց նա։
Արկադի Հովհաննիսյանի խոսքով՝ իրենց հետ փորձել են բանակցել միայն ոստիկանությունից, փորձել են կապ հասատել մարզպետ Նազելի Բաղդասարյանի հետ, սակայն չի հաջողվել։
Արկադի Հովհաննիսյանն ասաց, որ փոխանցում է բոլոր հարազատների խոսքերը՝ իրենք չեն լռելու, պայքարելու են, մինչև որդիներին չվերադարձնեն։
Հիշեցնենք, որ գերիների և անհետ կորածների հարազատներն այսօր երեկոյան բողոքի ակցիա են արել Կառավարության շենքի դիմաց՝ պահանջելով, որ ԱԺ նախագահ Ալեն Սիմոնյանը գա և հանդիպի իրենց հետ։ Ավելի ուշ նրանք մի քանի ժամով փակել էին Հանրապետության հրապարակ մտնող մի քանի փողոց։
07.12.2021
Թրամփն «անհավասար հանդիպում» է անվանել Պուտին-Բայդեն գագաթնաժողովը
ԱՄՆ նախկին նախագահ Դոնալդ Թրամփը ՌԴ նախագահ Վլադիմիր Պուտինի և նրա ամերիկացի գործընկեր Ջո Բայդենի միջև կայանալիք տեսաժողովն անվանել է «անհավասար հանդիպում» Վաշինգտոնի համար:
«Դա այն հանդիպումը չէ, որը ընդհանրապես պետք էր թույլատրել: Միևնույնն է, ինչ «Նյու Ինգլենդ Փեթրիոթս»-ին դուրս բերել դպրոցական թիմի դեմ»,- ասել է Թրամփը` ելույթ ունենալով ամերիկյան Newsmax հեռուստաալիքի եթերում:
Թրամփի կարծիքով՝ չնայած Պուտինի և Չինաստանի ղեկավար Սի Ծինփինի հետ դրական երկխոսությանը՝ իր քաղաքականությունը Մոսկվայի և Պեկինի հանդեմ ավելի կոշտ էր, քան Բայդենի վարչակազմի գործողությունները:
Հիշեցնենք, որ Բայդեն-Պուտին գագաթնաժողովը տեսակոնֆերանսի տեսքով նախատեսված է այսօր: Ուղիղ եթերով հեռարձակում չի նախատեսվում, սակայն լրագրողներին ցույց կտան առցանցա հանդիպման առաջին կադրերը:
07.12.2021
Ռուս խաղաղապահները 9 տոննա մարդասիրական օգնություն են հասցրել Լեռնային Ղարաբաղ. ՌԴ ՊՆ
Ռուսական խաղաղապահ զորախմբի զինծառայողները Ստեփանակերտ են հասցրել ավելի քան 9 տոննա մարդասիրական բեռ Լեռնային Ղարաբաղի կարիքավոր բնակիչների և բազմազավակ ընտանիքների համար։ Այս մասին հայտնում է Ռուսաստանի պաշտպանության նախարարությունը:
Նշվում է, որ նախօրեին մարդասիրական օգնությունը հավաքվել է Մոսկվայում բարեգործական կազմակերպությունների կողմից և ՌԴ ՊՆ-ի Իլ-76 ինքնաթիռով տեղափոխվել է Երևան, որտեղից էլ ՌԴ խաղաղապահ զորակազմի բեռնատարներով հասցվել է Ստեփանակերտ:
Հումանիտար օգնության շրջանակում 5 000 երեխայի համար նախատեսված են ամանորյա խաղալիքներ, գույք՝ մանկապարտեզների համար, անկողնային պարագաներ, հագուստ, կոշիկներ, դպրոցական պարագաներ:
07.12.2021
