Տրանսպորտային բարեփոխումների շրջանակում մայրաքաղաքում վաղը՝ դեկտեմբերի 12-ին սկսում է աշխատանքը հանրային տրանսպորտի նոր շարժակազմը։ Կարևոր է իմանալ, որ նոր ավտոբուսներ պետք է մուտք գործել միա՛յն առջևի դռնից, վճարել ուղևորության սկզբում՝ մետաղադրամ ընդունող սարքերի միջոցով և ուղևորության վերջում ավտոբուսից դուրս գալ հետևի դռնով։ Այս մասին հայտնում են Երևանի քաղաքապետարանից։

Մինչև միասնական էլեկտկրոնային տոմսային համակարգին անցնելը, վճարման սարքը կընդունի միայն 100 դրամանոց մետաղադրամներ։ Խնդրում ենք ավտոբուսից օգտվելիս ունենալ 100 դրամանոց մետաղադրամներ։

Բարի երթ։

Դեկտեմբերի 12-ից միջին դասի նոր ավտոբուսներով կսպասարկվեն Երևանի ներհամայնքային ավտոբուսային հետևյալ երթուղիները՝ 3,20,97,99:

Նոր երթուղիների սպասարկումը կիրականացվի, համապատասխանաբար, 18,13,16,16 միավոր շարժակազմերով՝ հետևյալ ուղեգծերով.

h. 3 երթուղի

ՀԱԹ - ՆՈՐ ՆՈՐՔԻ 9-ՐԴ ԶԱՆԳՎԱԾ

ՀԱԹ (ս.կ.) - Ա.Բաբաջանյան - Րաֆֆու - Սեբաստիայի - Լենինգրադյան - Կիևյան - Կասյան փ-ներ - Կոմիտասի պ. - Դ.Անհաղթի - Ռուբինյանց փ-ներ - Գայի պ. - Մուրադյան - Դավիթ Բեկի - Ավետիսյան - Վիլնյուսի փ-ներ - Նոր Նորքի 9-րդ զ/ծ (վ.կ.):

Հետադարձը` նույն ուղեգծով:

h. 20 երթուղի

ՆՈՐ ՆՈՐՔԻ 7-ՐԴ ԶԱՆԳՎԱԾ - ԱՎԱՆ - ԵՐԵՎԱՆԻ ՔԱՂԱՔԱՊԵՏԱՐԱՆ

Նոր Նորքի 7-րդ զ/ծ (Դավիթ Բեկի – Ավետիսյան փ-ների խաչմերուկ) (ս.կ.) - Ավետիսյան – Մինսկի – Միկոյան – Բ․Մուրադյան փ-ներ – Գայի պող․ - Ստեփանյան – Մոլդովական – Վախթանգովի փ-ներ - Ավան (Դուրյան թաղ.) - Սաֆարյան - Խուդյակովի - Ալմաթիի - Մարշալ Բաբաջանյան - Աճառյան փ-ներ - Մյասնիկյան պ - Աբովյան պուր. - Աբովյան - Կորյունի - Նալբանդյան փ-ներ- Սայաթ Նովայի - Մաշտոցի պ-ներ - Խորենացու - Բեյրութի - Գր.Լուսավորչի փ-ներ - Երևանի քաղաքապետարան (վ.կ.):

Հետադարձը` Գր.Լուսավորչի փ. - Մաշտոցի պ. - Մոսկովյան - Աբովյան փ-ներ, շարունակությունը` նույն ուղեգծով:

h. 97 երթուղի

ԷՐԵԲՈՒՆՈԻ ԶԱՆԳՎԱԾ - ՆՈՐ ՆՈՐՔԻ 1-ԻՆ ԶԱՆԳՎԱԾ

Էրեբունու զ/ծ (ս.կ.) - Տիտոգրադյան - Այվազովսկու - Էրեբունու փ-ներ - Արցախի - Տ.Մեծի պ-ներ - Հանրապետության հրապարակ - Ամիրյան փ. - Մաշտոցի - Մարշալ Բաղրամյան պ-ներ - Կասյան փ.-Կոմիտասի պ.-Դ.Անհաղթի – Ռուբինյանց փ-ներ - Գայի պ. - Լվովյան փ. - Նոր Նորքի 1-ին զ/ծ (վ.կ.):

Հետադարձը ` նույն ուղեգծով:

h. 99 երթուղի

ՀԱԹ – ՈՒՌՈՒՑՔԱԲԱՆՈՒԹՅԱՆ ԻՆՍՏԻՏՈՒՏ

ՀԱԹ (ս.կ.)- Ա.Բաբաջանյան - Րաֆֆու-Սեբաստիայի փ-ներ-Ծով.Իսակովի պ.- «Հաղթանակ» կ-ջ -Արգիշտիի - Գր.Լուսավորչի - Ագաթանգեղոսի - Խանջյան - Մոսկովյան - Աբովյան փ-ներ - Աբովյան պուր.- Սարալանջի փ - Ազատության պ. - Ներսիսյան - Ուլնեցու - Հասրաթյան - Քանաքեռցու - Ֆանարջյան փ-ներ - Ուռուցքաբանության ինստիտուտ(վ.կ):

Հետադարձը` նույնը ուղեգծով:

Միաժամանակ, առանձին ճանապարհահատվածներում իրականացվող շինարարական աշխատանքներով և տեխնիկական հարցերով պայմանավորված ժամանակավորապես.

- ավտոբուսային հ.97 երթուղին կշահագործվի մինչև Նոր Նորքի 1-ին զանգված Նանսենի փողոցով՝ Լվովյան փողոցի փոխարեն.

- ավտոբուսային հ.99 երթուղին կշահագործվի մինչև Ուլնեցու փողոցի վերջնամաս՝ շրջանցելով Հասրաթյան, Քանաքեռցու, Ֆանարջյան փողոցները:

Ադրբեջանի պաշտպանության նախարարությունը հայտնել է, որ դեկտեմբերի 10-ի երեկոյան ոչ մարտական պայմաններում զոհվել է առանձին համակցված բանակի զինծառայող Նուրլան Հասանովը։

Ըստ minval.a-ի, այս փաստով հետաքննություն է իրականացվում Նախիջևանի Ինքնավար Հանրապետության զինվորական դատախազությունում։

Մենք փաստ ունենք, որ մեր ընկերները այսքան ամիս եղան կալանավորված։ Այս մասին լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը՝ անդրադառնալով ՍԴ-ի՝ պատգամավորների անձեռնամխելիության վերաբերյալ որոշմանը:

«Օգոստոսի 2-ի նիստին ես բառացիորեն երեք անգամ կարդացել եմ Սահմանադրության 96–րդ հոդվածը, ես ցավում եմ, որ ԱԺ–ում իշխանական խմբակցության մեկ պատգամավոր չեղավ, որ ասի՝ ես կարդացել եմ 96–րդ հոդվածը, և ինչու եք այդ մարդկանց պահում կալանավորված։ Մենք ունենք ժողովրդավարության, իրավական պետության ճգնաժամ, քանի որ Սահմանադրական դատարանը ամենավերջին միջոցներից մեկն է։ Բացի իրավական խայտառակությունից, այս ամենը ունի բարոյական մեծ խայտառակության բաղադրիչ։ Սահմանադրական դատարանի որոշումը պարտադիր է ոչ թե ինձ համար, ձեզ համար, այլ առաջին հերթին՝ պետական ծառայողների»,–ասաց նա։

Արամ Վարդևանյանը նշեց, որ նույն ՔԿՀ-ն չի կարող պահել պատգամավորներին: «Պահի, անունը ի՞նչ դնի»,-ասաց նա։

Նա նշեց, որ եթե կալանավորումները վերացնում ես, նորից մարդուն կալանավորելու համար նոր հիմքեր պետք է ունենաս և վստահեցրեց՝ դա երբեք չի լինի։

Հարցին՝ արդյոք քաղաքական միտում չի տեսնում ՍԴ-ի որոշման հարցում, պատգամավորն ասաց՝ ոչ։ «Գոյություն ունի մի քանի պարզ ճշմարտություն, որ որքան էլ ճնշեն Սահմանադրական դատարանին, անհնար է հակառակը ասել, եթե մի բանը սև է, ասելու են՝ սև է, սպիտակ է, ասելու են՝ սպիտակ է, իսկ եթե մի քանի գույներ կան, այդտեղ ճնշումը էֆեկտիվ է»,-ասաց նա և նշեց, որ թեև Սահմանադրական դատարանը կարող էր ավելի շուտ որոշում կայացներ, սակայն կարող էր նաև ավելի ուշ կայացներ։

Այսօր՝ դեկտեմբերի 10-ին, գողության դեպք է տեղի ունեցել Երևանում: Ժամը 04:00-ի սահմաններում ոստիկանության Մալաթիայի բաժի ահազանգ է  ստացվել, որ  Հարավարևմտյան թաղամասի Զորավար Անդրանիկի փողոցում գործող «Հովման» հագուստի խանութի ապակին կոտրել են:

Պարզվել է, որ 3 դիմակավորված անձանցից մեկը քարով կոտրել է խանութի դռան ապակին, ապա մտել ներս և այնտեղից հափշտակել հագուստ, իսկ նրանցից մեկը դրամարկղից գողացել է գումար, ապա դիմել փախուստի: Փաստի առթիվ ոստիկանության Մալաթիայի բաժնի հետաքննական բաժանմունքում նյութեր են նախապատրաստվում: Խանութին պատճառվել է մի քանի հազար դոլարի վնաս:

Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ՝ հանցագործությունը բացահայտելու, գողերին և գողոնը հայտնաբերելու ուղղությամբ:

Արցախի Հանրապետության նախագահ Արայիկ Հարությունյանն ուղերձ է հղել Արցախի Անկախության հանրաքվեի 30-ամյակի առթիվ․ «Հարգելի՛ հայրենակիցներ

Ուղիղ 30 տարի առաջ՝ 1991թ. դեկտեմբերի 10-ին, ռազմական գործողությունների ու խաղաղ բնակավայրերի հրետակոծության պայմաններում մեր ժողովուրդը բարձր մակարդակով կազմակերպեց Անկախության հանրաքվեն և ուղենշեց այն ճանապարհը, որով պետք է հասնենք մեր նպատակների հանգրվանին: 2006թ.-ին ընդունված ԱՀ Սահմանադրությամբ մենք վերահաստատեցինք մեր հավատարմությունը այն արժեքներին ու գաղափարներին, որոնցով շաղախվել են մեր նորանկախ պետականության հիմքերը: Եվ այս երեսնամյա երթը որքան էլ դժվարին ու արնաշաղախ էր, սակայն կարողացել ենք համազգային ջանքերով կերտել ու որոշակիորեն ամրապնդել մեր պետականությունը՝ շարունակելով Արցախյան շարժման արժեքաբանական ընթացքը:

Չնայած ԵԱՀԿ Մինսկի խմբի կողմից ադրբեջանա-ղարաբաղյան հակամարտության խաղաղ կարգավորման միջնորդական ջանքերին, հակամարտող կողմերին ներկայացված հայտնի երեք սկզբունքներից ուժի չկիրառմանը և միջազգային իրավունքի հանրահայտ այլ սկզբունքներին, Ադրբեջանը Արցախի Հանրապետության և նրա խաղաղ բնակչության նկատմամբ քանիցս իրականացրեց ռազմական ագրեսիաներ, որոնցից 2020թ.-ի ագրեսիան ամենածանր փորձությունը դարձավ մեր պետականության ու ժողովրդի համար: Անկախ դրա հարուցած մարդկային, տարածքային, նյութական ու բարոյահոգեբանական մեծածավալ հետևանքներից՝ Արցախի Հանրապետությունը կանգուն է, իսկ անկախության ընտրված ճանապարհին մեր ժողովրդի կամքն ու տոկունությունը՝ անսասան: Դրա վառ ցուցիչներից են այս կարճ ժամկետում շուրջ 120,000 բնակչության առկայությունը, անվտանգային միջավայրի բարձր տոկոսով ապահովումը, պետական ինստիտուտների աշխատանքն ու զարգացման ջանքերը, ենթակառուցվածքների ու տնտեսության վերականգնումը: Հատկանշական է, որ պետական մարմինները ոչ միայն կատարում են իրենց կենսական լիազորությունները ԱՀ Սահմանադրության ու օրենսդրության հիման վրա, այլ նաև խորհրդանշականորեն հենց այսօր երկու խոշոր համայնքում տեղի են ունենում տեղական ինքնակառավարման մարմինների ընտրություններ՝ որպես մեր պետականակերտման վճռականության փոքրիկ, բայց և կարևոր դրսևորումներ:

Սթ․ դեկտեմբերի 10-ից Երևանի մետրոպոլիտենի ուղեվարձի գանձման էլեկտրոնային համակարգը չի գործելու։ Այս մասին ասված է «Կարեն Դեմիրճյանի անվան Երևանի մետրոպոլիտեն» ՓԲԸ-ի տարածած հաղորդագրության մեջ:

«Խնդիրը գտնվում է ընկերության համապատասխան բաժնի մասնագետների ամենօրյա ուշադրության կենտրոնում։

Միաժամանակ տեղեկացնում ենք, որ վճարային քարտերում առկա երթերը կարող եք օգտագործել՝ մինչև դրանց սպառվելը։

Պատճառած անհարմարությունների համար՝ կանխավ հայցում ենք Ձեր ներողամտությունը»,- ասված է հաղորդագրության մեջ։ 

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. դեկտեմբերի 10-ին ժամը 16:00-ից մինչև դեկտեմբերի 11-ը ժամը 16:00-ն կդադարեցվի  հետևյալ տարածքների ջրամատակարարումը.

Գեղարքունիքի մարզի Սևան քաղաքի՝ Գագարինավան թաղամասի, Վարսեր գյուղի,

Կոտայքի մարզի՝ Ջրառատ գյուղի:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Վարչապետ Նիկոլ Փաշինյանն այցելել է Պետական վերահսկողական ծառայություն և աշխատակազմին ներկայացրել ծառայության նորանշանակ պետ Ռոմանոս Պետրոսյանին: Վարչապետը նախ շնորհակալություն է հայտնել Տիգրան Ուլիխանյանին  Պետական վերահսկողական ծառայության ղեկավարի պաշտոնում կատարած աշխատանքի համար: Այս մասին հայտնում է վարչապետի աշխատակազմը:

Նիկոլ Փաշինյանը շնորհավորել և հաջողություն է մաղթել Ռոմանոս Պետրոսյանին՝ նշելով, որ ՊՎԾ-ն կառավարման համակարգի կարևոր օղակներից և գործիքներից է՝ պետական կառավարման համակարգի արդյունավետ աշխատանքն ապահովելու համար: «Ծառայությունը պետական կառավարման համակարգում վերջին երեք տարիներին որպես այդպիսին գոյություն ունի, և դեռ պետք է կայացման բավական ճանապարհ անցնի: Բայց պետք է արձանագրել նաև, որ այս ընթացքում կառույցը կայացման բավականին լավ ուղի է անցել: Իհարկե, աշխատանքում ի հայտ են եկել  նաև որոշակի խնդիրներ, և այդ ամենի հաշվառումով պետք է շարունակենք առաջ շարժվել»,-ասել է վարչապետը:

Տիգրան Ուլիխանյանը շնորհակալություն է հայտնել կառավարության ղեկավարին՝ իր պաշտոնավարման  ժամանակահատվածում ցուցաբերած վստահության համար և աշխատակազմին՝ համատեղ աշխատանքի համար: «Հաջողություն եմ մաղթում ձեզ պարոն Պետրոսյանի գլխավորությամբ, որպես ՀՀ վարչապետին ենթակա կարևորագույն մարմին, ձեր ծառայությունը լավագույն իրականացնելու գործում»:

Ռոմանոս Պետրոսյանն իր հերթին շնորհակալություն է հայտնել նման բարձր վստահության համար. «Վստահեցնում եմ, որ նոր եռանդով, նոր նվիրումով ողջ ներուժս ներդնելու եմ Պետական վերահսկողական ծառայության ինստիտուցիոնալ դերի բարձրացման համար: Ամենակարճ ժամկետներում ՊՎԾ-ում պետք է բոլորս ականատես լինենք խորքային բարեփոխումների, ինչպես նաև իր առջև դրված խնդիրների արդյունավետ իրագործմանը»: