Ուկրաինացի սահմանապահները նամակ են ստացել, որով արգելվում է նախագահ Զելենսկու աշխատակազմի արդեն նախկին ղեկավար Անդրեյ Երմակի ելքը երկրից։ Այս մասին իր տելեգրամյան ալիքում հայտարարել է Գերագույն Ռադայի պատգամավոր Ալեքսեյ Գոնչարենկոն։

«Սահմանային անցակետեր է ժամանել նամակ, որով արգելվում է Անդրեյ Երմակին լքել Ուկրաինան»,- գրել է պատգամավորը։

Հիշեցնենք, որ նոյեմբերի 28-ի երեկոյան Ուկրաինայի նախագահ Վլադիմիր Զելենսկին ընդունել է Երմակի հրաժարականը։ Պաշտոնյան աշխատանքից ազատվել է կոռուպցիայի դեմ պայքարի աշխատակիցների կողմից նրա բնակարանում խուզարկությունից հետո։

54-ամյա Երմակը նախագահի աշխատակազմի ղեկավարի պաշտոնը զբաղեցրել է 2020 թվականի փետրվարի 11-ից։ Մինչ այդ նա եղել է Զելենսկիի օգնականը՝ վերահսկելով արտաքին քաղաքականությունը և միջազգային հարաբերությունները։ Վերջերս Երմակը ղեկավարել է Կիևի բանակցային խումբը ուկրաինական հակամարտության կարգավորման համար։

Դեկտեմբերի 2-ին, ժամը 06։20-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյումրի-Երևան ավտոճանապարհին տեղի է ունեցել ՃՏՊ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Գյումրի ավտոճանապարհի 106-րդ կմ-ին «Opel» մակնիշի ավտոմեքենան դուրս է եկել ճանապարհի երթևեկելի գոտուց, բախվել արգելապատնեշին և կողաշրջված հայտնվել դաշտամիջյան հատվածում։Երկու տուժած հոսպիտալացվել է բժշկական կենտրոն։Փրկարարներնը սահմանազատել են տարածքը, հոսանքազրկել ավտոմեքենան և փակել գազի բալոնի փականը:

Դեկտեմբերի 2-ի առավոտյան ժամերից սկսած՝ ձյան տեղումներ են գրանցվել Սևանի տարածաշրջանում և Վարդենյաց լեռնանցքում։ Այս մասին հայտնում է Գեղարքունիքի մարզպետի աշխտակազմը, որը նաև տեսանյութեր է հրապարակել։

Ժամը 10։00-ի դրությամբ ձյուն է տեղում նաև Գավառի տարածաշրջանում։ Նշված վայրերում վաղ առավոտից սկսած ձնամաքրման և աղ ավազով մշակման աշխատանքներ են իրականացվում։ 

Գեղարքունիքի մարզով անցնող միջպետական, հանրապետական ինչպես նաև մարզային և համայնքային նշանակության բոլոր ճանապարհները բաց են և անցանելի։

ՀՀ քննչական կոմիտեի Արագածոտնի մարզային քննչական վարչությունում քննվող քրեական վարույթի նախաքննության ընթացքում պարզվել է, որ ավտոգազալիցքավորման ծառայություն մատուցող ընկերությունը հարկման հիմք հանդիսացող հաշվետվություններում խեղաթյուրված տվյալներ մտցնելու եղանակով թաքցրել է ընկերության իրական շրջանառությունը, ինչի արդյունքում պետական բյուջե չի վճարվել խոշոր չափերի հարկեր:

Նախաքննության ընթացքում կատարված վարութային և ապացուցողական գործողությունների արդյունքում վերականգնվել է պետությանը պատճառված 15 մլն 563 հզր 53 ՀՀ դրամի վնասը: Քրեական վարույթի նախաքննությունը շարունակվում է։

ՀՀ քաղաքացիները կկարողանան շարունակել աշխատել Լեհաստանում պարզեցված ընթացակարգով, այսինքն՝ կաշխատեն Լեհաստանում հայտարարագրի հիման վրա, որը նրանց հնարավորություն կտա վիզայի հրավեր և ժամանակավոր բնակության թույլտվություն կստանա, ինչպես նաև երկու տարի անընդմեջ ոչ սեզոնային աշխատանքի կտեղավորվի։

Նույն իրավունքից կօգտվեն Բելառուսի, Մոլդովայի և Ուկրաինայի քաղաքացիները։ Լեհաստանի աշխատանքի, ընտանիքի և սոցիալական քաղաքականության նախարարությունը պարզեցված կարգը չեղարկել է Վրաստանի քաղաքացիների համար։

Արգենտինայի հավաքականի հարձակվող Լիոնել Մեսսիի արձանը Մար դել Պլատայում վանդալիզմի է ենթարկվել։ Ֆուտբոլիստի արձանը հարձակման է ենթարկվել և երկու մասի է բաժանվել։

Արձանը եղել է El Nuevo Mundial սրճարանի մուտքի մոտ։ Կիրակի վաղ առավոտյան երկու անհայտ անձինք հրել են արձանը, ինչի հետևանքով այն կոտրվել է։

Դեպքի հանգամանքները ներկայումս քննվում են։ Նաև գնահատական կտրվի, թե արդյոք երկրորդ անգամ վանդալիզմի ենթարկված արձանը կարող է վերականգնվել։

Ուրասար և Կաթնաղբյուր բնակավայրերի միջակայքում բռնկված հրդեհը մեկուսացվել է:

Նոյեմբերի 29-ին, ժամը 18։59-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ուրասար և Կաթնաղբյուր բնակավայրերի միջակայքում նկատվել է ծուխ։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատներից երկու մարտական հաշվարկ և երկու օպրատիվ խումբ։ Պարզվել է, որ այրվում է խոտածածկ տարածք։

Նոյեմբերի 30-ին հրդեհաշիջման աշխատանքներին ներգրավված են մեծ թվով փրկարար ուժեր, էկոպարեկեր, «Լոռէ» փրկարարական ջոկատի կամավորներ և բնակիչներ։ Հրդեհը մեկուսացվել է ժամը 19։30-ին։

Ռուսաստանցի հնագետները, իրենց ադրբեջանցի գործընկերների հետ միասին, պեղումներ են անում օկուպացված Արցախում գտնվող Ազոխի քարանձավը (ավելի հին անվանումը՝ Որվանի անձավ -խմբ.), որը համարվում էր ԽՍՀՄ-ի ամենահին քարանձավը։
Ըստ Ռուսաստանի Գիտությունների ակադեմիայի Սիբիրյան մասնաճյուղի Հնագիտության և ազգագրության ինստիտուտի քարե դարի հնագիտության բաժնի վարիչ և Ռուսաստանի Գիտությունների ակադեմիայի թղթակից անդամ Միխայիլ Շունկովի՝ գիտնականները կիրականացնեն քարանձավի նոր թվագրում, որը կտրամադրի ավելի քան 2 միլիոն տարի առաջ Աֆրիկան ​​լքած մարդկանց տարածման վերաբերյալ ավելի ամբողջական տվյալներ

Ազոխի քարանձավը վեց քարանձավներից բաղկացած համալիր է Արցախում, որը հայտնի է որպես նախապատմական մարդկանց բնակավայր։ Այն համարվում է Կովկասի ամենահին մարդկային բնակավայրերից մեկը։  Նախկինում այն ​​թվագրվում էր մոտավորապես 800 հազար տարի առաջ։
Ըստ գիտնականի՝ դա հնարավորություն կտա ավելի ճշգրիտ տվյալներ ստանալ Աֆրիկայից դուրս հին մարդկանց տարածման վերաբերյալ, որը նրանք լքել են ավելի քան 2 միլիոն տարի առաջ։