Հունիսի 20 -ի ընտրություններով Փաշինյանի կառավարությունը և ՔՊ կուսակցությունը փափուկ ուժի կիրառմամբ , հակաքարոզչությամբ և իշխանական բոլոր լծակների կիրառմամբ ուղղակի վերարտադրվեց։Այսպես են գնահատում տեղի ունեցած քաղաքական այս կարևոր և որոշիչ իրադաձությունը վերլուծաբանները։ Մի շարք քաղաքական ուժերի ներկայացուցիչներ, ովքեր ներկա ենք գտնվել ընտրությունների օրը ընտրատեղամասերում , արձանագրել են բառացիորեն նույն պատկերը՝ համատարած խախտումներ ու ճնշումներ իրենց նկատմամբ։
Այս անգամ մենք զրուցել ենք « Հայրենիք» դաշինքի անդամ Էդգար Հովհաննիսյանի հետ, որը ընտրություններին ներկա է գտնվել որպես իր քաղաքական ուժի կողմից վստահված անձ։ Նրա վկայությամբ, ընտրություններում տեղի են ունեցել բոլոր հայտնի ընտրակեցծիքները, որոնց մեջ ժամանակին Փաշինյանը մեղադրում էր նախկին իշխանություններին ։
«Ես ականատես եմ եղել, թե ինչպես են Նիկոլի կողմնակիցները քաղաքացիներին ուղղորդում, որ քվեարկեն իրենց օգտին, տեղամասից քվեաթերթիկներ էին դուրս բերվում , մեր տեղամասը հոսանքազրկվեց ու սկսվեց խաառնաշփոթ իրարանցում քվեատուփերի մոտ»,- մտաբերում է Հովհաննիսյանը
«Մեր ընտրատեղամասում նկատել եմ մարդկանց, որ ընտրաթերթիկը ձեռքներին մտել են տեղամաս արդեն քվեարկած, հաստատ դրսում նրանց ուղղորդել էին, նկատել եմ երկրորդ անգամ քվեարկողների», - մեզ հետ զրույցում պատմում էր Էդգար Հովհաննիսյանը։
Քաղաքական գործչի գնահատականով, այդ օրը իշխանությունների կողմից հատուկ հրահանգ կար, որ ամեն գնով՝ բռնություն, սպառնալիքներ կիրառելոով ընդդիմության ներկայացուցիչներին, այդ թվում նաև ինձ հեռացնե ընն տրատեղամասերից։
Երբ Էդգար Հովհաննիսյանը բարձրաձայնել է իր տեսած ընտրախախտումների մասին, շտաբի պետը ինչպես շատերի նկատմամբ, այնպես էլ իրեն սպառնացել է հաշվեհարդար տեսնել, եթե չլռի։
Սակայն Էդգար Հովհաննիսյանը շարունակել է պնդել ընտրակեղծծիքների մասին, ինչի հետևանքով ոստիկանությունը նրան ուժով բերման է ենթարկել ու տուգանել, իբրև թե անկարգություններ թույլ տալու համար։
«Իշխանությունները ընդդիմախոսների դեմ են հանում իրավապահներին,որ ճնշեն, վախացնեն ու լռեցնեն»,-նկատում է Հովհաննիսյանը։
«Հայրենիք» դաշինքի անդամի խոսքով, ընտրություններից հետո իշխանությունները հայտարարում են իրենց հաղթանակի մասին ու ներկայացնում, որ դա ժողովրդավարության հաղթնակ է եղել մեր երկրում, այնինչ դա Նիկոլ Փաշինյանի մեծ խաբեությունն է , որի հետևանքները մեր ժողովուրդը ու մեր երկիրը դեռ կզգան»,- ցավով կանխատեսում է դաշինքի անդամը։
Հիշեցնենք, որ ներկայում Հունիսի 20-ի արտահերթ խորհրդարանական ընտրությունների արդյունքները բողոքարկվում են Սահմանադրական դատարանում ։ Ընդդիմադիրների շահերը ՍԴ-ում ներկայացնում է Արդարադատության նախկին նախարար Դավիթ Հարությունյանը։
