Ռուսաստանի Դաշնության նախագահ Վլադիմիր Պուտինի մամուլի քարտուղար Դմիտրի Պեսկովը հայտարարել է, որ ՌԴ նախագահի՝ Չինաստան այցի նախապատրաստական ​​աշխատանքներն ավարտվել են, և այն շուտով կկայանա, հայտնում է ՌԻԱ Նովոստի-ն։

«Այն իսկապես շատ շուտով կկայանա։ Եվ իսկապես, այս այցի նախապատրաստական ​​աշխատանքներն արդեն ավարտվել են, բոլոր շփումները հաստատվել են, և այցի բոլոր հիմնական բաղադրիչները համաձայնեցվել են»,-լրագրողներին ասել է Դմիտրի Պեսկովը։

ՀԵՂԻՆԵ ԱՍԻՐՅԱՆԻ ՔԱՂԱՔԱԿԱՆ ԱՆԿՅՈՒՆ

Իշխանությունը վերջերս հերթական ներքին հարցումն է արել եւ պարզել, որ Հայ առաքելական եկեղեցին, անգամ այսքան հարվածներից ու հետեւողական վարկաբեկումից հետո, Հայաստանում ամենաբարձր վստահություն վայելող կառույցն է։ Հենց այդ պատճառով էլ հրահանգ է իջել թիմին, որ այլեւս շատ չխոսեն ՔՊ նախընտրական ծրագրում Հայ առաքելական եկեղեցու դեմ։ ՔՊ կուսակցության նախընտրական ծրագրում, հիշեցնենք, նշված է, որ պետք է փոխեն Եկեղեցու փաստացի պետին, այսինքն` կաթողիկոսին։

Հիմա առաջարկում եմ ուշադիր կարդաք ինչ են գրել իրենց նախընտրական ծրագրում Նիկոլի վկաները

Իբրև թե հայաստանյան հանճարեղ ուղեղներով նստել, գլուխ գլխի են տվել ու որոշել են, որ իբրև թե վերջին տասնամյակներում Հայաստանյայց Առաքելական Սուրբ Եկեղեցու փաստացի ղեկավարության գործունեության հետեւանքով հավատավոր հանրությունն օտարվել է եւ շարունակում է օտարվել Հայաստանյաց Առաքելական Սուրբ Եկեղեցուց։ Ասել է թե՝ մենք կտրվել ենք մեր քրիտոնեական արմատներից, իսկ իրենք որոշել են մեզ՝ «Անաստվածներիս» դարձի բերել ու պրոբլեմը Կաթողիկոսն է։ Այ եթե նրանք հեռացնեն Հայ Առաքելական եկեղեցուց կաթողիկոսական աթոռը, մենք կդառնանք ավելի հավատավոր, իրենք էլ ոնց թուրք էին, նամազ անող, այնպես էլ կմնան։

Առաքելական Սուրբ Եկեղեցու բարենորոգման օրակարգը եւ որդեգրում է ճանապարհային հետեւյալ քարտեզը՝ ա) Հայաստանյայց Առաքելական Սուրբ Եկեղեցու փաստացի պետի հեռացում , բ) Սահմանված կարգով Կաթողիկոսական տեղապահի ընտրություն, գ) Հայաստանյաց Առաքելական Եկեղեցու Կանոնադրության ընդունում․ Կանոնադրությամբ պետք է սահմանվեն ամրագրված սկզբունքների պահպանման, ֆինանսական թափանցիկության եւ հոգևորականների բարեվարքության ապահովման կառուցակարգեր, դ) Սահմանված կարգով Ամենայն Հայոց Կաթողիկոսի ընտրություն»,- ասված է նախընտրական ծրագրում։

Իշխող թիմում, կարելի է ասել, վետո է դրվել այս հարցի արծարծման վրա, հաշվարկով, որ հունիսի 7-ի ընտրություններից հետո, երբ հաղթեն, նոր կբարձրաձայնեն, որ իրենց հակաեկեղեցական ծրագրի իրագործմանն են նաեւ հավանություն ստացել, ուստի նոր տողից եւ ավելի հուժկու գրոհ կսկսեն Վեհափառի եւ Եկեղեցու դեմ։

Իրանը պետք է վերջ տա իր միջուկային ծրագրին, այս մասին հայտարարել է Մերցը։

«Իրանը պետք է դադարեցնի Իսրայելի և Պարսից ծոցի երկրների վրա հարձակումները։

Եվ պետք է վերաբացի Հորմուզի նեղուցը՝ անվտանգ, մշտապես և առանց որևէ վճարման պայմանի»,-ասել է Գերմանիայի կանցլերը։

Ուկրաինայի նախագահ Վլադիմիր Զելենսկին հայտարարել է, որ Բելառուսի սահմանային գոտում կառուցվում են Ուկրաինայի տարածք տանող ճանապարհներ և հրետանային դիրքեր։

«Մենք կարծում ենք, որ Ռուսաստանը կրկին կփորձի Բելառուսին ներքաշել իր պատերազմի մեջ։ Ես հանձնարարել եմ, որ Բելառուսի փաստացի ղեկավարությունը համապատասխան ուղիներով տեղեկացվի Ուկրաինայի պատրաստակամության մասին՝ պաշտպանելու իր հողը և անկախությունը», - հայտարարել է Զելենսկին։

«Վենեսուելայում վերջին իրադարձությունների բնույթն ու հետևանքները պետք է զսպեն Բելառուսի ղեկավարությանը սխալներ թույլ տալուց», - հավելել է Ուկրաինայի նախագահը։

Ապրիլի 16-ին ՀՀ ԱԳ նախարար Արարատ Միրզոյանը հեռախոսազրույց է ունեցել Ռումինիայի արտաքին գործերի նախարար Օանա-Սիլվիա Ցոյուի հետ:

Զրուցակիցները քննարկել են ՀՀ-ԵՄ գործընկերության խորացմանն ուղղված նախաձեռնություններ. ընդգծվել է ոլորտային ուղղություններով փոխգործակցության առաջ մղման հարցում երկուստեք առկա պատրաստակամությունը:

Անդրադարձ է կատարել նաև մայիսի սկզբին Երևանում կայանալիք բարձրաստիճան միջոցառումներին մասնակցության հարցերին։

Կարևորվել են նաև երկկողմ օրակարգի շարունակական հարստացման ուղղությամբ իրականացվող աշխատանքները։

Արարատ Միրզոյանը և Օանա-Սիլվիա Ցոյուն մտքեր են փոխանակել տարածաշրջանային զարգացումների շուրջ. նախարարներն ընդգծել են տնտեսական ու տրանսպորտային հաղորդակցության նախագծերի կյանքի կոչման հարցում հետաքրքրվածությունն ու ընձեռնվող առավելությունները:

ՀԵՂԻՆԵ ԱՍԻՐՅԱՆԻ ՔԱՂԱՔԱԿԱՆ ԱՆԿՅՈՒՆ

Նիկոլ Փաշինյանն ակնհայտորեն սարսափ է ապրում այն մտքից, որ հունիսի 7-ին կայանալիք ընտրություններում կարող է չվերարտադրվել, եւ դրա համար բոլոր հնարավոր ու անհնարին քայլերին դիմում է: «Պեռաշկի ու կուկուռուզ» է ուտում, պետբյուջեի հաշվին բարեգործություն է անում եւ թոշակներ բարձրացնում, ավտոբուսը նստած՝ դեպի մարզեր է գնում, կանանց ծանր պայուսակներն է տեղափոխում եւ, ամենակարևորը` հայհոյում ու վարկաբեկում է իր մրցակիցներին:

Եթե նախորդ ընտրություններում նրա թիրախը նախկին իշխանություններն էին` Ռոբերտ Քոչարյանը, Սերժ Սարգսյանը, ապա այս անգամ հերթը հասել է Սամվել Կարապետյանին, որն իշխանության մեջ չի եղել, թալանի մեջ չեն կարող մեղադրել, Արցախը հանձնելու մեջ՝ նույնպես: Փաշինյանը գիտակցում է, որ այս փուլում իր հիմնական քաղաքական հակառակորդը, գլխավոր մրցակիցը Սամվել Կարապետյանն է, որի վարկանիշը բարձրանում է, եւ այն մտքից, որ նա կարող է իրեն հաղթել, ընկնում է ցնցումների մեջ: Փաշինյանի ամենօրյա ֆեյսբուքյան լայվերը վկայում են այն մասին, որ անգամ իշխանական շրջանակները չեն հավատում այն սոցհարցումներին, որոնց համաձայն` առաջին տեղում են և ունեն 50+1 տոկոս քվե: Նրա նյարդերը ակնհայտ լարված են ու դրա համար նա բարեկրթության բոլոր նորմերը խախտել է:

Ես ինձ թույլ եմ տալիս բոլորիս անունից հայտարարել, որ ոչ մի քաղաքակիրթ մարդ իրավունք չունի դիմացինին բոմժ անվանելու, առավել ևս վարչապետը իր քաղաքացուն, անկախ նրանցից , թե ինչ քաղաքական հայացքներ ունի տվյալ մարդը: «Ուղիղ հարց ունեմ կառավարությունը զավթած անձին. ի՞նչ իրավունք ունես որեւէ մեկի մասին այդպես խոսելու: Ո՞վ ես դու»։

Նիկոլ Փաշինյանը փորձում է իրեն Աստծո տեղը դնել, սակայն ինքը մի սովորական շարքային անգրագետ է, որ չի էլ կարող Կարապետյանի հետ համեմատվել: Ո՞վ է քեզ տվել նման իրավունք՝ խոսելու Կարապետյանի մասին այդ բառապաշարով, փրփուրներից ես կախվում, քանի որ գիտես՝ վերջդ եկել է»:

Թրամփը հայտարարել է, որ Ռուսաստանի հետ Ուկրաինայի հարցով բանակցությունները շարունակվում են գրեթե ամեն օր։

ԱՄՆ նախագահը նաև նշել է, որ Իրանի դեմ գործողությունը չի ազդում Ռուսաստանի հետ Ուկրաինայի հարցով բանակցությունների վրա, և որ առաջընթաց է գրանցվում։